చికెన్ శుభ్రంగా కడిగి ఒక మిక్సింగ్ బౌల్ లోకి తీసుకోవాలి.

అందులో పసుపు, ఉప్పు, కారం, ధనియాల పొడి, మిరియాల పొడి, బిర్యానీ ఆకు, జాజికాయ, జాపత్రి, లవంగాలు, ఏలకులు, దాల్చిన చెక్క, అల్లం వెల్లుల్లి ముద్ద, గడ్డ పెరుగు వేసి బాగా కలపాలి.

ఈ చికెన్ మిశ్రమాన్ని 30 నిమిషాల పాటు నానబెట్టాలి.

6 జీడిపప్పు లను 20 నిమిషాల పాటు నానబెట్టి తరవాత కొద్దిగా నీళ్ళు పోసి మెత్తగా పేస్ట్ లా రుబ్బుకోవాలి.

దీని కోసం నేను ప్యాకెట్ మీద ఇవ్వబడిన సూచనలు పాటించాను.

ఒక గిన్నెలో కొద్దిగా నీళ్లు మరిగించి పొయ్యి కట్టేసి పక్కన పెట్టుకోవాలి.

అందులో కాస్త ఉప్పు, కసూరి మేతి వేసి 2 నుండి 3 నిమిషాల పాటు నాననివ్వాలి.

తర్వాత నీళ్ళు వంపేసి మేతి ని పక్కన పెట్టుకోవాలి.

ఒక బాణలిలో నూనె మరియు బటర్ వేసి కరికే వరకు ఆగాలి.

ఉల్లిపాయ తరుగు, పచ్చిమిరపకాయలు, కొద్దిగా ఉప్పు వేసి ఉల్లిపాయలు మెత్తబడే వరకు వేయించాలి.

అల్లం వెల్లుల్లి పేస్ట్ వేసి పచ్చి వాసన పోయే వరకు వేయించాలి.

కొద్దిగా పసుపు, కారం వేసి కలపాలి.

తర్వాత మారినేట్ చేసి పెట్టుకున్న చికెన్ ను వేసి బాగా కలిపి మూత పెట్టి మీడియం హీట్ లో 20 నిమిషాల పాటు ఉడికించాలి.మధ్య మధ్యలో కలుపుతుండాలి.

ముప్పావు వంతు ఉడికాక జీడిపప్పు పేస్ట్, కసూరి మేతి, క్రీమ్ లను వేసి బాగా కలపాలి.

ఒక కప్పు నీళ్ళు పోసి ఒక సారి కలిపి మూత పెట్టి సన్నటి సెగ మీద కూర చిక్కబడే వరకు ఉడికించాలి.

చివరిగా కొత్తిమీర తరుగు వేసి కూర దించేసుకోవాలి.