బాస్మతి బియ్యంలో నీళ్ళు పోసి అరగంట పాటు నానబెట్టాలి.

వందే ముందు 2 నుండి 3 సార్లు కడగాలి.

దాల్చినచెక్క, లవంగాలు, యాలుకలు, షాజీరా, జాజికాయ, అనాసపువ్వు, బిర్యానీ పువ్వు, మరాఠీ మొగ్గలు, జాపత్రి, అనాస పువ్వు అన్నింటిని మిక్సీలో వేసి పొడి చేసుకొని పక్కన పెట్టుకోవాలి.

750 గ్రాముల చికెన్ కొరకు 1 ½ నుండి 2 tsp ల బిర్యానీ మసాలా వాడితే సరిపోతుంది.

ఉల్లిపాయలను చాలా సన్నగా పొడవుగా కట్ చేసుకోవాలి.

డీప్ ఫ్రై కి సరిపడా నూనె కాచి, ఉల్లిపాయ ముక్కల్ని అందులో వేసి లేత గోధుమరంగు లోకి మారేవరకు వేయించాలి.

బయటకు తీసేటప్పుడు గరిటెతో నూనె ను గట్టిగా వత్తేసి పక్కన పెట్టుకోవాలి.అలా చేస్తే వేయించిన ఉల్లిపాయలు కర కర లాడతాయి.

శుభ్రంగా కడిగిన చికెన్ ముక్కలను ఒక పాత్రలోకి తీసుకొని అందులో తగినంత ఉప్పు, కారం, పసుపు, 2 tsp బిర్యానీ మసాలా, అల్లం వెల్లుల్లి ముద్ద, నిమ్మ రసం, పెరుగు, పచ్చి మిర్చి పేస్ట్, పుదీనా ఆకులు వేసి బాగా ముక్కలకు పట్టేలా కలపాలి.

చికెన్ ముక్కలను కనీసం 1 నుండి 2 గంటల పాటు నాననివ్వాలి.

ఒక మందపాటి గిన్నెలో నీళ్ళు పోసి, అందులో తగినంత ఉప్పు, అన్ని మసాలా దినుసులు, కొద్దిగా పుదీనా ఆకులు, బిర్యానీ ఆకు వేసి మరిగించాలి.

నీళ్ళు మరగడం మొదలవగానే అందులో నానబెట్టిన బియ్యం వేయాలి.బియ్యం వేయగానే నీరు మరగడం ఆగిపోతుంది.అప్పుడు మళ్ళీ మరిగించాలి.

మళ్ళీ మరగడం మొదలైన దగ్గర నుండి సరిగ్గా 3 నిమిషాలు ఉడికించి స్టవ్ కట్టేసి వెంటనే నీళ్ళు వార్చేయాలి.

బిర్యానీ పాత్ర అంచులకు నూనె రాసి, 5 నుండి 6 tbsp ల కాచిన నూనె, 2 tbsp ల నెయ్యి వేయాలి.

అందులో నానబెట్టిన చికెన్ వేసి పైన సగం ఉడికించిన అన్నం వేయాలి.అన్నం పైన కొన్ని పుదీనా ఆకులు, వేయించిన ఉల్లిపాయలు వేయాలి.

అల్ల్యుమినియం ఫాయిల్ లేదా తడి బట్ట తో బిర్యానీ పాత్రని సరిగ్గా కవర్ చేయాలి.పైన మూత పెట్టి, ఏదైనా బరువు పెట్టాలి.

12 నుండి 15 నిమిషాల పాటు పెద్ద మంట మీద ఉడికించి 5 నిమిషాలు సన్నని సెగ మీద ఉడికించాలి.

పొయ్యి కట్టేసి కాసేపు మూత తెరవకుండా వదిలేసి తర్వాత సర్వ్ చేయాలి.