మిర్చీ లోపల మిశ్రమం తయారీ

వాము, శనగ పిండి, ఆమ్ చూర్ పొడి మిక్సీలో వేసి పొడి చేయాలి. ఇందులో 1 tbsp పొడిని తర్వాత పిండిలో కలపడం కోసం పక్కన ఉంచుకోవాలి.

చింతపండు ను రెండు నిమిషాలు ఉడికించి పేస్ట్ చేయాలి.

పైన చేసిన పొడిని, చింతపండు గుజ్జును, సరిపడా ఉప్పు వేసి బాగా కలిపి ఆ మిశ్రమాన్ని పక్కన పెట్టుకోవాలి.

బజ్జీ మిరపకాయలను శుభ్రంగా కడిగి సూది లేదా కత్తి సహాయంతో నిలువుగా చీలిక చేయాలి.

లోపల గింజలు తీసేసి, పైన తయారు చేసి పెట్టుకున్న మిశ్రమాన్ని మిర్చిలలో కూరి పక్కన పెట్టుకోవాలి.

ఒక పాత్రలో శనగ పిండి, బియ్యం పిండి, వంట సోడా, కొద్దిగా ఉప్పు, ముందుగా పక్కకు తీసి పెట్టుకున్న వాము, ఆమ్ చూర్ పొడి వేసి ఒకసారి కలపాలి.

తర్వాత అందులో సరిపడా నీళ్ళు పోసి మరీ జారుగా కాకుండా మరీ మందంగా లేకుండా పిండిని కలపాలి.

కడాయి లో డీప్ ఫ్రై కి సరిపడా నూనె పోసి కాగ నివ్వాలి.

నూనె కాగాక ఒక్కో మిర్చీని శనగ పిండి లో ముంచి నూనెలో జారవిడవాలి.

బజ్జీలు చక్కని బంగారు రంగులోకి వచ్చే వరకు వేయించి ప్లేట్ లోకి తీసుకోవాలి.