శుభ్రంగా కడిగిన చికెన్ ను ఒక మిక్సింగ్ బౌల్ లోకి తీసుకోవాలి.

అందులో పైన చెప్పిన గరం మసాలా దినుసులు, తగినంత ఉప్పు, పసుపు, కారం, ధనియాల పొడి, బిర్యానీ మసాలా, అల్లం వెల్లుల్లి పేస్ట్, సగం చెక్క నిమ్మ రసం, వేయించిన ఉల్లిపాయ ముక్కలు, పెరుగు, పుదీనా, కొత్తిమీర, నూనె వేసి బాగా కలపాలి.

కలిపిన తర్వాత మూత పెట్టి ఒక గంట పాటు నానబెట్టాలి.

పచ్చి బాస్మతి బియ్యాన్ని కడగకుండా మిక్సింగ్ బౌల్ లోకి తీసుకోవాలి.

అందులో గరం మసాలా దినుసులు, తగినంత ఉప్పు, కారం, పసుపు, అల్లం వెల్లుల్లి పేస్ట్, బిర్యానీ మసాలా, నూనె, పుదీనా ఆకులు, నిలువుగా తరిగి పెట్టుకున్న ఉల్లిపాయ ముక్కలు, పచ్చి మిర్చి ముక్కలు వేసి బాగా కలపాలి.

తర్వాత ఒక గంట పాటు పక్కన పెట్టుకోవాలి.

బొంగులను లోపల డస్ట్ అంతా పోయే వరకు శుభ్రంగా కడగాలి.

తర్వాత లోపల కొద్దిగా నూనె వేసి అంతా అంటుకునేలా తిప్పాలి.

2 గరిటెల చికెన్ వేసి తర్వాత 2 మారినేట్ చేసి పెట్టుకున్న బియ్యం వేయాలి.మళ్ళీ చికెన్ దాని పైన రైస్ వేయాలి.

1 ¼ కప్పుల నీళ్ళు పోయాలి. ఆ నీరు లోపల ఉన్న సందుల గుండా క్రిందకు జారుతుంది.

బొంగు పైన భాగాన్ని అల్యూమినియం ఫాయిల్ తో గానీ ఆకులతో గానీ కవర్ చేయాలి.

కట్టె పుల్లలతో మంట పెట్టి దాని మీద ఈ బొంగులను 30 నుండి 35 నిమిషాల పాటు ఉంచాలి.

మంట మీద నుండి తీసేసి ఒక 5 నుండి 10 నిమిషాలు వదిలేయాలి.

తర్వాత వేడి వేడిగా అరిటాకులో వడ్డించాలి.