క్యాలిఫ్లవర్ ముక్కల్ని ఒక 10 నిమిషాల పాటు ఉప్పు నీళ్ళలో నానబెట్టి కడిగి పక్కన ఉంచుకోవాలి.

మరుగుతున్న నీళ్ళలో క్యాలిఫ్లవర్ ముక్కల్ని వేసి 3 నిమిషాల పాటు ఉడికించి పొయ్యి కట్టేసి నీళ్ళు వంపేసి పక్కన పెట్టుకోవాలి.

షాహీ జీరా, ఏలకులు, లవంగాలు, దాల్చిన చెక్క, జాపత్రి, అనాస పువ్వు, బిర్యానీ పూలు మిక్సీలో వేసి పొడి చేసి పక్కన పెట్టుకోవాలి.

బియ్యం నానబెట్టుట

బాస్మతి బియ్యంలో నీళ్ళు పోసి 30 నిమిషాల పాటు నానబెట్టాలి.వండే ముందు 2 నుండి 3 సార్లు కడగాలి.

ఒక మిక్సింగ్ బౌల్ లో ఉప్పు, కారం, పసుపు, బిర్యానీ మసాలా, అల్లంవెల్లుల్లి పేస్ట్, నిమ్మ రసం, వేయించిన ఉల్లిపాయలు, పుదీనా, పెరుగు వేసి బాగా కలపాలి.

ఉడకపెట్టిన క్యాలిఫ్లవర్ ముక్కలు కూడా వేసి బాగా కలిపి 30 నిమిషాలు పక్కన ఉంచుకోవాలి.

ఒక గిన్నెలో లీటరు నీళ్ళు పోసి, అన్ని గరం మసాలా దినుసులు, కొన్ని పుదీనా ఆకులు, తగినంత ఉప్పు, బిర్యానీ ఆకు వేసి పొయ్యి మీద పెట్టి మరిగే వరకు కాయాలి.

మరగడం మొదలవగానే నానబెట్టిన బియ్యం వేయాలి.బియ్యం వేయగానే నీరు మరగడం ఆగిపోతుంది అందుకే మళ్ళీ మరిగించాలి.

మరగడం మొదలవగానే సరిగ్గా 3 నిమిషాలు ఉడికించి పొయ్యి కట్టేసి వెంటనే నీళ్ళు వార్చేయాలి.

ఒక మందపాటి పాత్రలో 3 tsp ల నూనె వేసి ముందుగా మారినేట్ చేసి పెట్టుకున్న క్యాలిఫ్లవర్ మిశ్రమాన్ని వేయాలి.

దాని పైన సగం ఉడికిన అన్నం వేసి సమానంగా పరచాలి.

పైన కొన్ని పుదీనా ఆకులు, కొద్దిగా నెయ్యి, వేయించిన ఉల్లిపాయలు వేసి గిన్నెను అల్యూమినియం ఫాయిల్ తో మూసేసి స్టవ్ మీద పెట్టి 15 నుండి 20 నిమిషాల పాటు చిన్న మంట మీద ఉడికించాలి.

స్టవ్ కట్టేశాక ఒక 15 నిమిషాలు మూత తెరవకుండా ఉంచి తరవాత వడ్డించాలి.